អំពើហិង្សាក្នុងគ្រួសារ

ករណីទិញក្មេងស្រីយកមកចិញ្ចឹមរួចធ្វើទារុណកម្ម ប្រពន្ធជាប់គុក២០ឆ្នាំ ប្ដីជាប់គុក១០ឆ្នាំ ចំណែកអ្នកលក់ជាប់គុក៥ឆ្នាំ

22-02-2010 កាសែតរស្មីកម្ពុជា

ភ្នំពេញ៖ ករណីទិញក្មេងស្រីអាយុ១១ឆ្នាំម្នាក់យកមកចិញ្ចឹមជាកូនធម៌ ប៉ុន្តែបែរជាធ្វើទារុណកម្មយ៉ាងឃោរឃៅនោះ បានត្រូវសាលាដំបូងរាជធានីភ្នំពេញ សម្រេចផ្ដន្ទាទោសប្រពន្ធជាគ្រូបង្រៀនដាក់ពន្ធនាគាររយៈពេល២០ឆ្នាំ និងបុរសជាប្ដីដាក់ពន្ធនាគាររយៈពេល១០ឆ្នាំ ពីបទលក់ដូរមនុស្សដោយមានគោលដៅស្មុំកូននិងបង្ករបួសស្នាមដោយចេតនា កាលពីឆ្នាំ២០០៨ រហូតថ្ងៃទី១៦ ខែតុលា ឆ្នាំ២០០៩។

ទឹកភ្នែកស្ត្រីរងកម្ម ព្រោះប្ដីវាយធ្វើបាបកាប់ចាក់ទាត់ធាក់ទ្រាំលែងបាន ស្វែងរកការសង្គ្រោះ

28-01-2010 កាសែតកោះសន្តិភាព

ខេត្តកំពង់ឆ្នាំង៖ ស្ត្រីរងគ្រោះក្នុងអំពើហិង្សាម្នាក់ ត្រូវបានស្ត្រីជាជនបង្គោលទទួលបន្ទុកកិច្ចការនារីឃុំនាំយកមកកាន់មន្ទីរកិច្ចការនារីខេត្ត ដើម្បីសុំជំនួយអន្តរាគមន៍ ដោយសាររូបគាត់បានទទួលរងទារុណកម្មពីសំណាក់បុរសជាប្ដីដែលតែងតែវាយធ្វើបាបកាប់ចាក់ឥតប្រណីជារៀងរាល់ថ្ងៃរហូតមានស្លាកស្នាមលើខ្លួនប្រាណជាច្រើនកន្លែង។

នាំខ្លួនគ្រូបង្រៀនចិត្តកោងកាច និងប្ដីមកកាត់ក្ដីរឿងធ្វើទារុណកម្មក្មេងស្រី

28-01-2010 កាសែតដើមអំពិល

ស្ត្រីជាប់ចោទពីរនាក់ និងបុរសជាប់ចោទម្នាក់ដែលអតីតជាគ្រូបង្រៀនវិទ្យាល័យសន្ធរម៉ុកដែលវាយធ្វើទារុណកម្មលើក្មេងស្រីអាយុ១០ឆ្នាំ ត្រូវបាននាំខ្លួនមកកាត់ក្ដីនៅព្រឹកថ្ងៃទី២៦ ខែមករា ឆ្នាំ២០១០ តែមិនទាន់ប្រកាសសាលក្រមឲ្យដឹងពីជោគវាសនារបស់ជនជាប់ចោទទាំងបីនាក់នៅឡើយទេ។

ប្ដីប្រមឹកបញ្ចប់ជីវិតប្រព័ន្ធគួរឲ្យសង្វេគមុខកូនស្រី៣នាក់

14-01-2010 កាសែតកោះសន្តិភាព

ខេត្តកណ្ដាល៖ អំពើហិង្សាក្នុងគ្រួសារ គឺជាទង្វើឃោរឃៅមួយដែលច្បាប់បានហាមប្រាម និងដាក់បញ្ញត្តិទៅលើបុគ្គលណាដែលបានប្រព្រឹត្តអំពើហិង្សាលើគ្រួសារ។ ទោះជាមានច្បាប់ចែងប្រឆាំងហើយក្ដី ក៏អំពើហិង្សាក្នុងគ្រួសារតែងតែកើតមានជាញឹកញាប់នៅក្នុងសង្គមផងដែរ ពិសេសនៅតាមទីជនបទដាច់ស្រយាលនៃបណ្ដាស្រុក-ខេត្តនានា ។ ជាក់ស្ដែងកាលពីវេលាម៉ោង៨និង៣០នាទីយប់ថ្ងៃទី១២ មករា ឆ្នាំ២០១០ នៅលំនៅឋានគ្រួសារកសិករមួយស្ថិតក្នុងភូមិកោះតេជោ ឃុំគគីរធំ ស្រុកកៀនស្វាយ បុរសម្នាក់បានកាប់សម្លាប់ប្រពន្ធរបស់ខ្លួនទាល់តែស្លាប់នៅនឹងកន្លែងដោយសារតែការប្រច័ណ្ឌក្រោមកណ្ដាប់ដៃនៃកំហឹងមោហ៍បន្សល់ទុកនូវកូនប្រុសស្រីវ័យជំទង់ និងតូចៗ ចំនួន៥នាក់រស់នៅកណ្ដោចកណ្ដែងព្រាត់ទាំងមេព្រាត់ទាំងបាចាប់តាំងពីថ្ងៃកើតហេតុនេះតទៅ។

ប្រពន្ធកូនខ្ចីប្ដីចិត្តអប្រិយវាយដំរំលងបាន១ថ្ងៃ ទទួលមរណភាពចោលកូនអាយុ១៣ថ្ងៃឲ្យកំព្រា

05-01-2010 កាសែតកោះសន្តិភាព

ខេត្តកំពង់ឆ្នាំង៖ អំពើហិង្សាក្នុងគ្រួសារមួយបានបណ្ដាលឲ្យទារិកាដែលពេលនេះ (ថ្ងៃទី៤ មករា ២០១០) មានអាយុទើបតែ១៣ថ្ងៃប៉ុណ្ណោះ ត្រូវកំព្រាម្ដាយ ដោយសារតែឪពុកឃោរឃៅវាយប្រពន្ធរហូតដល់ស្លាប់ ខណៈដែលនៅសរសៃខ្ចីទើបតែសំរាលកូនបាន១០ថ្ងៃ។ ហេតុការណ៍នេះបានកើតឡើងកាលពីវេលាម៉ោង១១ និង៣០នាទី ថ្ងៃត្រង់ថ្ងៃទី១ មករា នៅនឹងលំនៅឋានរបស់ប្ដី-ប្រពន្ធនោះផ្ទាល់ ស្ថិតក្នុងភូមិត្រពាំងអញ្ចាញ ឃុំស្វាយជ្រុំ ស្រុករលាប្អៀរ។