ការអប់រំ

17-03-2010 Phnom Penh Post

លោក សៅ សុភាព ដែលជាសាស្ត្រាចារ្យ អាយុ ២៨ឆ្នាំ បង្រៀននៅសាកលវិទ្យាល័យឯកទេសនៃកម្ពុជា (CUS) បានចំណាយពេលជាងមួយទសវត្សរ៍ជិះកង់របស់គាត់ពីផ្ទះទៅសាលារៀនក្នុងខេត្តព្រៃវែង។ ការជិះកង់ ៤០គីឡូម៉ែត្រជាប្រចាំដែលគាត់បានតស៊ូព្យាយាមនេះ គឺបានធ្វើឲ្យគាត់ក្លាយជាសាស្ត្រាចារ្យដូចសព្វថ្ងៃ។

អាមេរិកប្រកាសផ្ដល់មូលបត្រសរុប១០លានដុល្លារ សម្រាប់គម្រោងអប់រំនៅកម្ពុជា

15-03-2010 កាសែតរស្មីកម្ពុជា

ភ្នំពេញ៖ ស្ថានទូតអាមេរិកប្រចាំកម្ពុជា កាលពីថ្ងៃទី១១ ខែមីនា បានប្រកាសឲ្យដឹងថា កាលពីថ្ងៃទី១១ ខែមីនា សហរដ្ឋអាមេរិកបានសម្ពោធជាផ្លូវការគម្រោងអប់រំនៅកម្ពុជាដែលមានរយៈពេល៥ឆ្នាំ និងមានថវិកា "សរុប១០លានដុល្លារសហរដ្ឋអាមេរិក។ គម្រោងនេះត្រូវបានបង្កើតឡើងដើម្បីធ្វើឲ្យកាន់តែប្រសើរឡើងនូវគុណភាព និងប្រយោជន៍នៃការអប់រំជាមូលដ្ឋាន និងបង្កើនលទ្ធភាពចូលរៀនសម្រាប់កុមារទាំងអស់ ជាពិសេសក្រុមកុមារដែលគ្រួសារខ្វះលទ្ធភាពដូចជាក្រុមជនជាតិភាគតិចកុមារី និងអ្នកក្រីក្រខ្លាំងជាដើម។

ការអប់រំពង្រឹង និងលើកកម្ពស់គុណភាពស្ត្រី

11-03-2010 Phnom Penh Post

ដើម្បីចូលរួមប្រារព្ធខួបលើកទី៩៩ នៃទិវាសិទ្ធិនារីអន្តរជាតិ កញ្ញាគង់ ស៊ីដារ័ត្ន អ្នកសម្របសម្រួលផ្នែក E-Learning របស់វិទ្យាស្ថានបើកទូលាយ (Open Instituter) បានពន្យល់ពីឥទ្ធិពលនៃការអប់រំ ដែលអាចពង្រឹង និងលើកកម្ពស់គុណភាពរបស់ស្ត្រីនៅក្នុងសង្គម។

លោកជំទាវទី១ ប្រតិកម្មទៅនឹងថ្ងៃបុណ្យសង្សារថ្ងៃ១៤កុម្ភៈ

25-02-2010 កាសែតរស្មីកម្ពុជា

តាកែវ៖ លោកជំទាវ ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានមានប្រតិកម្មយ៉ាងខ្លាំងចំពោះថ្ងៃទី១៤កុម្ភៈ ថាវាមិនមែនជាថ្ងៃបុណ្យសង្សារសម្រាប់ឲ្យគូសង្សារបបួលគ្នាឡើងសណ្ឋាគារនោះទេ គឺជាថ្ងៃបុណ្យនៃក្ដីស្រឡាញ់។ ថ្ងៃបុណ្យនៃក្ដីស្រឡាញ់បានន័យថា គូស្វាមីភរិយាទិញរបស់របរឲ្យគ្នាទៅវិញទៅមក ឬនៅតាមសាលាកូនសិស្សបង្ហាញនូវក្ដីស្រឡាញ់ដល់លោកគ្រូ អ្នកគ្រូ ឬក៏ជាការបង្ហាញក្ដីស្រឡាញ់ចំពោះឪពុកម្ដាយដែលជាអ្នកមានគុណរបស់យើងជាដើម។

ឧបនាយករដ្ឋមន្ត្រី ស ខេង ផ្ដល់អនុសាសន៍៣ ដល់វិស័យអប់រំ

23-02-2010 កាសែតដើមអំពិល

ភ្នំពេញ៖ ប្រទេសកម្ពុជាមានគ្រឹះស្ថានឧត្ដមសិក្សាចំនួន៧៣គ្រឹះស្ថាន ក្នុងនោះផ្នែកឯកជនមានចំនួន៤៤ និងផ្នែកសាធារណៈមានចំនួន២៩។

លោកឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ស ខេង បានមានប្រសាសន៍ក្នុងពិធីប្រគល់សញ្ញាបត្រថ្នាក់បរិញ្ញាបត្ររង និងប័ណ្ណសរសើរដល់និស្សិតពូកែប្រចាំឆ្នាំ២០០៨-២០០៩ កាលពីថ្ងៃ២២ ខែកុម្ភៈ ឆ្នាំ២០១០នេះថា "បន្ថែមលើគ្រឹះស្ថានឧត្ដមសិក្សាចំនួន៧៣នោះ នៅភូមិភាគពាយ័ព្យនៃប្រទេសមានសាកលវិទ្យាល័យសាធារណៈចំនួន២កន្លែងត្រូវបានស្ថាបនាឡើង គឺនៅខេត្តបាត់ដំបង និងខេត្តបន្ទាយមានជ័យ ហើយនៅភូមិភាគបូព៌ាក៏មានសាកលវិទ្យាល័យចំនួន២ទៀត ដែលមួយគឺ នៅខេត្តស្វាយរៀង និងមួយទៀតនៅខេត្តព្រៃវែង"។