ឆ្លុះបញ្ចាំងប្រព័ន្ធយុត្តិធម៌

រឿងលែងលះក្លាយជារឿងកាន់តែធំ ពេលតុលាការឲ្យខាងស្រីសងថ្លៃទឹកដោះមកប្រុសវិញ

24-03-2009 កាសែតរស្មីកម្ពុជា

ឪពុកម្ដាយខាងស្រីទាមទារឲ្យខាងប្រុសសងក្រមុំ កូនគាត់វិញ

កំពង់ឆ្នាំង៖ តុលាការសាលាដំបូងខេត្តកំពង់ឆ្នាំង បានសម្រេចសេចក្ដីឲ្យភាគីខាងស្រីសងលុយទៅឲ្យភាគីខាងប្រុសដែលជាអតីតប្ដីរបស់ខ្លួន ចុះពីផ្ទះចោលប្រពន្ធចំនួន៦លានរៀល។ ការកាត់ក្ដីនេះបានធ្វើឲ្យសាមីខ្លួនខាងស្រីព្រមទាំងក្រុមគ្រួសារកើតទុក្ខមិនសុខចិត្ត ហើយបានប្ដឹងទាស់នឹងសាលក្រមនេះទៅតុលាការសាលាឧទ្ធរណ៍ជាបន្តទៀត និងបានទាមទារឲ្យភាគីខាងប្រុសសងក្រមុំដល់កូនស្រីរបស់គាត់វិញ។

ក្មេងស្រីត្រូវគេរំលោភ អំពាវនាវរកយុត្តិធម៌ នៅពេលបុរសរំលោភនាង ត្រូវតុលាការដោះលែង

28-01-2009 កាសែតរស្មីកម្ពុជា

ពោធិ៍សាត់៖ ក្មេងស្រីរងគ្រោះម្នាក់ដែលត្រូវគេចាប់រំលោភបាននិយាយថា តុលាការខេត្តពោធិ៍សាត់ពុករលួយ និងអយុត្តិធម៌ខ្លាំងណាស់ ពីព្រោះតែបានដោះលែងជនល្មើសឲ្យនៅក្រៅឃុំ បន្ទាប់ពីជាប់គុកបានជាងបីខែ ដោយគ្មានធ្វើការជំនុំជម្រះ ហើយមិនបានសងជំងឺចិត្តដល់រូបនាងទៀត នាងបានអំពាវនាវជួយរកយុត្តិធម៌ឲ្យនាងផង។

តុលាការសម្រេចឃុំខ្លួនក្មេងស្រីអាយុ១២ឆ្នាំ ដែលសម្លាប់ក្មេងស្រី អាយុ៦ឆ្នាំបណ្ដោះអាសន្ន

27-11-2007 កាសែតរស្មីកម្ពុជា

កណ្ដាល៖ ក្មេងស្រីអាយុ១២ឆ្នាំ ដែលបានសម្លាប់ប្លន់យកក្រវិលប្រាំហ៊ុនពីក្មេងស្រីអាយុប្រាំមួយឆ្នាំម្នាក់ រស់នៅក្នុងស្រុកស្អាង ត្រូវបានសាលាដំបូងខេត្តកណ្ដាល សម្រេចឃុំខ្លួនដាក់ពន្ធនាគារកាលពីថ្ងៃសុក្រ ទី២៣ វិច្ឆិកា ដោយចោទប្រកាន់ពីបទមនុស្សឃាតគិតទុកជាមុន ។

លើកពេលកាត់ទោស ឃាតករសម្លាប់ស្ត្រី ស្រាវពោះវៀនទម្លាក់ទឹក

25-10-2007 កាសែតកោះសន្តិភាព

ខេត្តក្រចេះ៖ ជនជាប់ចោទជាឃាតករកំណាចល្មោភកាមដែលបានចាប់ស្ត្រីម្នាក់ រំលោភនៅចំណុចក្រោយភូមិ ស្ថិតនៅភូមិព្រែកប្រាំង ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ រួចសម្លាប់ដោយវះពោះស្រាវពោះវៀនចេញ ទម្លាក់ចូលទៅក្នុងទឹកទន្លេមេគង្គ ដើម្បីបំបាត់ភស្តុតាង កាលពីថ្ងៃទី២៣ ឧសភានោះ ត្រូវបានលើកពេលសវនាការដោយសារខ្វះចៅក្រម កាលពីថ្ងៃទី២៣ តុលា ។

វាយសម្លាប់ប្រពន្ធ ជាប់គុក១៣ឆ្នាំ

22-10-2007 កាសែតរស្មីកម្ពុជា

ភ្នំពេញ ៖ ជនជាប់ចោទម្នាក់ ដែលបានពោលពាក្យថា «វាយសម្លាប់ប្រពន្ធ ដែលពិការជើងម្ខាង និងមានជំងឺរ៉ាំរ៉ៃចោល ដោយសារអាណិតពេកនោះ» បានត្រូវតុលាការសម្រេចផ្ដន្ទាទោសដាក់ពន្ធនាគារតម្រូវឲ្យធ្វើការរយៈពេល១៣ឆ្នាំ ពីបទអំពើមនុស្សឃាតដោយចេតនា ។