វេទិកាសាធារណៈ

បទពិសោធន៍ខ្លីៗ ពីវេទិកាបណ្ដាញស្ត្រីក្រុមប្រឹក្សា នៅខេត្តកណ្ដាល

23-09-2008 GTZ ARDP

វេទិកាបណ្ដាញស្ត្រីក្រុមប្រឹក្សាឃុំបានរៀបចំនៅក្នុងខេត្តកណ្ដាលដោយអង្គការចំរើនស្ត្រី កាលពីថ្ងៃទី០២ ដល់ថ្ងៃទី ០៤ ខែកញ្ញា ឆ្នាំ២០០៨ថ្មីៗនេះ និងសម្របសម្រួលដោយស្ត្រីក្រុមប្រឹក្សាឃុំខ្លួនឯងចំនួនបួនរូប។ នៅក្នុងវេទិកាអ្នកសម្របសម្រួលជាស្ត្រីក្រុមប្រឹក្សាឃុំបានធ្វើការសាកសួរ និងអញ្ជើញស្ត្រីក្រុមប្រឹក្សាឃុំដើម្បីបង្ហាញនូវរបាយការណ៍ត្រលប់ពីយុទ្ធសាស្ត្រ និងលទ្ធផលនៃយុទ្ធសាស្ត្រដែលបានយកទៅប្រើប្រាស់នៅក្នុងសហគមន៍របស់ពួកគាត់។ នៅក្នុងចំណោមរបាយការណ៍ត្រលប់ទាំងអស់ មានបទពិសោធន៍មួយចំនួនដែលគួរឲ្យចាប់អារម្មណ៍ និងជាព័ត៌មានដ៏ល្អសម្រាប់ធ្វើការចែករំលែកដូចជា៖

ពលករខ្មែរធ្វើការក្រៅប្រទេសទាំងមានច្បាប់ និងខុសច្បាប់ ជាង២ម៉ឺននាក់ ក្នុងនោះនៅប្រទេសថៃច្រើនជាងគេ

12-09-2008 កាសែតកោះសន្តិភាព

រាជធានីភ្នំពេញ ៖ មន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងតំណាងអង្គការក្រៅរដ្ឋាភិបាលជាតិ និងអន្តរជាតិ កាលពីថ្ងៃទី១១ កញ្ញា ២០០៨ បានជួបជុំគ្នានៅសណ្ឋាគារភ្នំពេញ ដើម្បីពិភាក្សាពិគ្រោះយោបល់អំពីការការពារ និងលើកកំពស់សិទ្ធិពលករដែលធ្វើការនៅក្រៅប្រទេស ក្នុងនោះមានការអះអាងថា ពលករកម្ពុជាប្រមាណជាង២ម៉ឺននាក់ កំពុងនៅធ្វើការឯបរទេសមានទាំងស្របច្បាប់ និងមិនស្របច្បាប់។

លោក អ៊ុំ មាន អនុរដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ថា ការធ្វើអន្តោប្រវេសន៍ ដើម្បីស្វែងរកការងារធ្វើ គឺជាបញ្ហាសាកលដ៏សំខាន់មួយ ដែលកំពុងជះឥទ្ធិពលទៅដល់ស្ទើរតែគ្រប់ប្រទេសទាំងអស់នៅក្នុងពិភពលោក ហើយបច្ចុប្បន្នមានពលករខ្មែរប្រមាណជាង២ម៉ឺននាក់ កំពុងស្នាក់នៅធ្វើការក្នុងប្រទេសចំនួន៣ធំៗ នៅក្នុងតំបន់អាស៊ីគឺ ថៃ ម៉ាឡេស៊ី និងកូរ៉េខាងត្បូង។

ពិព័រណ៍យុវជននៅខេត្តព្រៃវែង ទទួលបាននូវការពេញចិត្ត

20-08-2008 កាសែតរស្មីកម្ពុជា

ព្រៃវែង ៖ ពិព័រណ៍យុវជនដែលបានរៀបចំដោយក្រុមប្រឹក្សាយុវជនកម្ពុជា ក្រោមការឧបត្ថម្ភដោយវិទ្យាស្ថានសាធារណរដ្ឋអន្តរជាតិ (IRI) និងទីភ្នាក់ងារសហរដ្ឋអាមេរិក ដើម្បីអភិវឌ្ឍន៍អន្តរជាតិ (USAID) និងក្រុមហ៊ុនឯកជនមួយចំនួនទៀតនៅក្នុងខេត្តព្រៃវែង ដែលមានរយៈពេលពីរថ្ងៃ ចាប់ពី១៦-១៧ ខែសីហា ទទួលបានការគាំទ្រយ៉ាងខ្លាំងពីអ្នកចូលទស្សនា។ នេះបើតាមសម្ដីរបស់កញ្ញា ម៉ៅ ពុទ្ធីរ័ត្ន ប្រធានក្រុមប្រឹក្សាយុវជនកម្ពុជា។

ការតាំងពិព័រណ៍ ដែលមានអ្នកចូលរួមប្រមាណ៧ពាន់នាក់ ហើយមានការដាក់តាំងបង្ហាញជាង៤០ស្តង់ របស់អង្គការក្នុងស្រុកផ្សេងៗ និងមានសិក្ខាសាលានានាដែលទាក់ទងនឹងលទ្ធិប្រជាធិបតេយ្យ និងការបោះឆ្នោតជាដើម។

ការប្រែប្រួលអាកាសធាតុ ត្រូវបានលើកមកជជែកក្នុងចំណោមយុវជន

12-08-2008 កាសែតរស្មីកម្ពុជា

ភ្នំពេញ ៖ ក្នុងពេលដែលការប្រែប្រួលអាកាសធាតុជាប្រធានបទក្ដៅមួយរបស់ពិភពលោកនោះនៅថ្ងៃទី១១ សីហា នេះក្រុមយុវជនកម្ពុជាប្រមាណ៥០០នាក់ មកពីបណ្ដាខេត្តនានា និងក្រុងភ្នំពេញបានជួបជុំគ្នាលើកឡើងពីកង្វល់របស់ពួកគេ ជុំវិញការបាត់បង់ធនធានធម្មជាតិ និងការប្រែប្រួលអាកាសធាតុ។

លោក ឯក ច័ន្ទមករា នាយកប្រតិបត្តិអង្គការគាំទ្រកុមារ និងយុវជន ដែលជាអង្គការយុវជនមួយក្នុងចំណោមអង្គការសមាគមយុវជនប្រមាណ១០ចូលរួមក្នុងវេទិកាទិវាអន្តរជាតិរបស់យុវជន១២ សីហា ដោយផ្ដោតសំខាន់លើប្រធានបទ "យុវជន និងការប្រែប្រួលអាកាសធាតុ" បានមានប្រសាសន៍ថា យុវជនកម្ពុជាបាននឹងកំពុងចាប់អារម្មណ៍ពីបញ្ហានេះ ហើយការជួបជុំនេះ ពួកគេនឹងធ្វើការពិភាក្សាគ្នាដើម្បីលើកឡើងជាអនុសាសន៍ដាក់ជូនរដ្ឋាភិបាលតាមរយៈនាយកដ្ឋានយុវជននៃក្រសួងអប់រំយុវជន និងកីឡា។

វេទិកាបណ្ដាញស្ត្រីក្រុមប្រឹក្សាឃុំខេត្តពោធិ៍សាត់

08-07-2008 GTZ ARDP

វេទិកាបណ្ដាញស្ត្រីក្រុមប្រឹក្សាឃុំរៀបចំឡើងដោយអង្គការចំរើនស្ត្រី ក្រោមការឧបត្ថម្ភថវិកាពីបណ្ដាម្ចាស់ជំនួយរួមមាន កម្មវិធីអភិវឌ្ឍន៍របស់ប្រទេសបារាំង (FSD) ជំនួយ USAID តាមរយៈអង្គការផេក (PACT) កម្មវិធីសហប្រតិបត្តិការអាល្លឺម៉ង់តាមរយៈអង្គការជីធីហ្សេត គម្រោងកំណែទម្រង់រដ្ឋបាល និងវិមជ្ឈការ (GTZ ARDP) និងអង្គការអុកស្វាម នៃប្រទេសអង់គ្លេស (Oxfam GB) ។ វេទិកានេះជាយុទ្ធសាស្ត្រថ្មី ដើម្បីធ្វើការបង្កើនសមត្ថភាពដល់ស្ត្រីក្រុមប្រឹក្សាឃុំរៀបចំឡើងតាំងពីឆ្នាំ ២០០៤ មក។ វេទិកានេះទទួលបានការគាំទ្រទាំងស្មារតី និងសម្ភារៈពីសំណាក់រដ្ឋបាលគ្រប់ជាន់ថ្នាក់ ពិសេសក្រុមប្រឹក្សាឃុំនៅមូលដ្ឋាន។ ឆ្នាំ ២០០៨ ជាឆ្នាំចុងក្រោយនៃការផ្ទេរនូវការទទួលខុសត្រូវទាំងអស់ពីអង្គការចំរើនស្ត្រីជូនមកក្រុមប្រឹក្សាឃុំជាអ្នកអនុវត្តបន្ត។