ក្នុងឱកាសទិវានៃក្តីស្រឡាញ់ដែលនឹងមកដល់នាពេលខាងមុខនេះ (១៤ កុម្ភៈ) អង្គការវិទ្យាស្ថានបើកទូលាយសូមដកស្រង់នូវរបាយការណ៍ស្រាវជ្រាវមួយបែបបរិមាណវិស័យដែលមានចំណងជើងថា «ស្នេហា និងទំនាក់ទំនងផ្លូវភេទ៖ បទពិសោធន៍ និងការរៀបចំផែនការរបស់យុវវ័យដែលមានទ្រព្យសម្បត្តិបង្គួររស់នៅទីក្រុងភ្នំពេញ សំរាប់ថ្ងៃបុណ្យសង្សារឆ្នាំ២០១០ដែលនឹងមកដល់នាពេលឆាប់ៗខាងមុខនេះ» សិក្សាស្រាវជ្រាវដោយលោក តុង សុប្រាជ្ញ អនុបណ្ឌិតផ្នែកសាធារណៈ និងជាអ្នកសិក្សាស្រាវជ្រាវឯករាជ ដែលមានមូលន័យសង្ខេបដូចខាងក្រោម៖
វិធីសាស្ត្ររៀបចំស្រាវជ្រាវក្នុងពេលកំណត់ជាក់លាក់ ណាមួយត្រូវបានជ្រើសរើសយកសិក្សា បែបបរិមាណវិស័យ ពិពណ៌នា សម្រាប់ថ្ងៃបុណ្យសង្សារនៅឆ្នាំ២០១០ ហេតុនេះហើយការជ្រើសរើសគំរូ សំណាកជាក្រុមៗតាមតំបន់គោលដៅ ត្រូវបានយកមកប្រើ ជាដំបូងសម្រាប់ជួបសម្ភាសន៍ផ្ទាល់តែម្ដង ។ កម្រងសំណួរត្រូវបានចែកចេញជាបួនប្រភេទ សម្រាប់ក្រុម យុវវ័យ អាយុចាប់ពី១៥ដល់២៤ឆ្នាំដែលមានទ្រព្យសម្បត្តិគួរសមមានចំនួនសរុប៤៥៨នាក់រស់នៅទីក្រុងភ្នំពេញ គឺយុវវ័យជាប្រុស មានគូសង្សារ យុវវ័យជាប្រុសគ្មានគូសង្សារយុវវ័យជានារីមានគូសង្សារនិងយុវវ័យ ជានារីគ្មានគូសង្សារ។ ដោយសារសំនួរអាចធ្វើអោយប៉ះពាល់អារម្មណ៍របស់អ្នកផ្ដល់ចម្លើយដូច្នេះទើបប្រើវិធីសាស្ត្រផ្ដល់កម្រងសំណួរទៅពួក គាត់បំពេញដោយខ្លួនឯង ។
លទ្ធផលដែលបានមកពីការសិក្សាបែបបរិមាណវិស័យបានផ្ដល់ព័ត៌មានពីបរិមាណអោយកាន់តែច្បាស់ថែមទៀតទៅ លើកការសិក្សាតាមបែបគុណភាពវិស័យ កាលឆ្នាំ២០០៨បានទទួលស្គាល់ថាយុវវ័យដែលមានទ្រព្យសម្បត្តិបង្គួរ(ចំនួនសរុប៤៥៨នាក់)យល់មិនច្បាស់អំពីសាវតាររបស់ថ្ងៃបុណ្យសង្សារទេ ។ប្រហែលជាពីភាគបី ៦១.៦ %នៃពួកគេគ្រាន់តែ ដឹងថាថ្ងៃបុណ្យនេះហូរចូលមកពីវប្បធម៌បរទេសលោកខាងលិចឬអឺរ៉ុបប៉ុន្តែជិតមួយភាគបី២៩.៧%បាន បញ្ជាក់ថាមិន ដឹងមកពីណាទេឬក៏ឆ្លើយយ៉ាងទូលំទូលាយថាពិភពលោកឬក៏គ្មានយោបល់។ ច្រើនជាងពាក់កណ្ដាល ៥២.២%នៃក្រុមយុវវ័យដែលបានផ្ដល់ការសម្ភាសន៍បានរៀបរាប់ថាពួកគេ)បាន ដឹង តាមរយះសារព័ត៌មាន ការផ្សាយពាណិជ្ជកម្ម ប្រតិទិននិងការឃើញអ្វីផ្សេងទៀត។ នៅពេលនេះដែរជាងមួយភាគបី ពួកគេបានដឹងតាមរយះមិត្តភ័ក្ដិនិង១០.៦ភាគរយទៀតមិនបានដឹងអ្វីទាំងអស់អំពីថ្ងៃបុណ្យសង្សារនេះ។ ដោយសារមានការយល់ច្រឡំនូវប្រវត្តិនៃថ្ងៃបុណ្យសង្សារនេះធ្វើអោយយុវវ័យដែលមានទ្រព្យសម្បត្តិបង្គួរមួយចំនួន ធំទាញផលប្រយោជន៍ឬឆក់ឧកាសនេះ ដើម្បីធ្វើការរួមភេទនៅថ្ងៃនោះតែម្ដង ហេតុដូច្នេះបានជាការសិក្សានេះ រៀបចំឡើងដើម្បីឆ្លើយនូវសំនួរស្រាវជ្រាវមួយដែលថា"តើយុវវ័យដែលមានទ្រព្យ សម្បត្តិ បង្គួរនៅ ទីក្រុងភ្នំពេញមាន ផែនការរួមភេទនៅថ្ងៃបុណ្យសង្សារនេះទេ?
ជាលទ្ធផល១២.៤ភាគរយនៃយុវវ័យដែលផ្ដល់ចម្លើយទាំងអស់នឹងអាចរួមភេទនៅថ្ងៃបុណ្យសង្សារ ហើយសម្រាប់ យុវវ័យដែល មានគូសង្សារគឺមាន១៤.៣ភាគរយមានផែនការរួមភេទជាមួយសង្សាររបស់ពួកគេនៅថ្ងៃនេះដែរហើយ មានតែ៣ទៅ៤គូទេដែលមានផែនការមិនប្រើស្រោមអនាម័យ ។ នៅពេលជាមួយគ្នានេះដែរ ជាងមួយភាគបីឫ៣៩.៥%នៃយុវវ័យមានគូសង្សារដែលមានផែនការរួមភេទឫចំនួនសរុប៣៨នាក់បានរាយការណ៍ថាវានឹងអាចជា លើកទីមួយហើយសម្រាប់ពួកគេ ហើយពីភាគបីឫ៦៦.៦%នៃយុវវ័យជាប្រុសដែលមានគូសង្សារឫចំនួនសរុប២៥នាក់ឬមានផែនការដាក់សំពាធទៅលើឬបង្ខំមិត្តស្រីរបស់ពួកគេដើម្បីរួមភេទជាមួយមធ្យោបាយមួយចំនួនប្រសិនបើមិត្ត ស្រីរបស់ពួកគេមិនយល់ព្រម ហើយយ៉ាងហោចណាស់ក៏មាន៧ភាគរយនៃយុវវ័យជាប្រុសដែលមានផែនការ រួមភេទទាំងនេះនឹងអាចទាក់ទិននឹងការរួមភេទជាក្រុមដោយបង្ខំស្ត្រីរកស៊ីផ្លូវភេទម្នាក់(បូក)នៅថ្ងៃបុណ្យសង្សារ។ បើទោះបីជាជាងពាក់កណ្ដាលឫ៥៩.៨%នៃយុវវ័យដែលបានផ្ដល់ការសម្ភាសន៍ទាំងអស់ បានបញ្ជាក់ថាពួកគេយល់ ស្របថាវាជារឿងធម្មតានិងជាសិទ្ធិរបស់បុគ្គលម្នាក់ៗក្នុងការមានទំនាក់ទំនងផ្លូវភេទក្នុងភាពជាយុវវ័យ ហើយពួក គេហាក់ដូចជា ទំនងជាយល់ដឹងពីបញ្ហាសុខភាពបន្តពូជដែរតែជាផលវិបាកពួកគេប្រហែលជាអាចប្រឈមមុខ នឹងហានិភ័យនឹងការមានទំនាក់ទំនងផ្លូវភេទដោយមិនមានការយល់ព្រមការប៉ុនប៉ងសម្លាប់ខ្លួនជំងឺឆ្លងតាមផ្លូវភេទ និងជំងឺអេដស៍ប្រសិនបើពួកគេរួមភេទនៅថ្ងៃបុណ្យសង្សារនេះ។ ម្យ៉ាងវិញទៀតប្រហែលជិតពីរភាគបីឫ៦៣.៨%នៃយុវវ័យទាំងនោះបានឆ្លើយថាឪពុកម្ដាយឬក៏សមាជិកក្នុងគ្រួសាររបស់ពួកគេទំនងជាមិននិយាយអំពីបញ្ហាផ្លូវភេទ ក្នុងកំឡុងរយះពេល៣ខែចុងក្រោយនេះទេ ហើយជាងពាក់កណ្ដាលឫ៥៣.៧នៃពួកគេ គិតថាឪពុកម្ដាយឬក៏សមាជិក ក្នុងគ្រួសាររបស់ពួកគេមិនដឹងនូវអ្វីដែលយុវវ័យនឹងធ្វើអ្វីនៅថ្ងៃបុណ្យសង្សារ។
អ្វីដែលអាចធ្វើបានគួរតែយក ចិត្តទុកដាក់លើបញ្ហាដែលពាក់ព័ន្ធទៅនឹងការរួមភេទដោយមិនបង្ខំសុខភាពផ្លូវភេទនិងសុខភាពបន្តពូជនិងជំងឺ អេដស៍ក្នុងចំណោមយុវវ័យនៅតំបន់ទីក្រុងនៃប្រទេសកម្ពុជា ហើយការធ្វើអន្តរាគមន៍គួរតែ ធ្វើទៅលើក្រុម គោលដៅនៅមុននិងចំថ្ងៃបុណ្យសង្សារតាមរយះលទ្ធផលដែលបានមកពីការសិក្សានេះ។
ដោយលោក តុង សុប្រាជ្ញ អនុបណ្ឌិតផ្នែកសុខភាពសាធារណ
អ្នកសិក្សាស្រាវជ្រាវឯករាជ្យ
ភ្នំពេញ ខែកុម្ភះ ឆ្នាំ២០១០
